Breaking News:

Carpon

New Normal

BASISIR talaga. Hawa nyongkab teu jadi hahalang nu calinutrung dina rakit. Paneuteupna maluseur kana kukumbul.

Editor: Hermawan Aksan
Ilustrasi Carpon Urug 

Carpon NEY HWA

BASISIR talaga. Hawa nyongkab teu jadi hahalang nu calinutrung dina rakit. Paneuteupna maluseur kana kukumbul. Taya kacangkeul, sakitu aya nu geus ampir dua poéna, alidek liher, dina luhur rakit. Pasemonna katara karuleuheu, karucel alarang mandi. Barang dahar, saaya- aya anu nganteuran beulieun. Da jarang aya pamajikanana ngahajakeun ngalanteuran mah. Atawa sakapeung sok piligenti hanjat ka warung nu rajeg di sisi situ. Nguseup, kalangenan nu sasat asa dijujurkeun saprak talaga ngamplang ngarendem pilemburan.

“Jang mihapé, rék hanjat heula, béakeun bekel, rék mihapé?” Ramlan, negérkeun useupna. “Pangnyokotkeun jarum waé, Kang. Tinggal sabatang deui, kasbon kituh!” Rudi némbalan, bari angger cinutrung teu ngalieuk saeutik ogé.

Kuniang, Ramlan leumpangna rada meuyeugeung. Leumpangna labas nonggoh, naék ka babantar talaga. Sup ka warung handapeun tangkal kérsen. Hawar-hawar lagu Hayang Kawin ngagembrung ti jero warung.

Matapoé eréng-eréngan. Sabudeureun upluk- aplak cai. Ririakan béda-béda kelir. Béh sisi cai téh pulasna soklat. Lebah tengah pulasna pérak katojo ku cahaya panonpoé. Mingkin jauh, pulas cai mingkin biru. Ririakan kaoyagkeun parahu nu tingsoloyong, bangun nu tiis tingtrim.

Teu jauh ti darmaga aya parahu Pa Undang. Unggal-unggal poe merul nu datang. Bati Pa Undang galecok dina sosméd.

“New normal, cuang représing yuuu, ngaliwet di Warung Apung!”

Pung setatusna dina pésbuk.

Brul, kawawuhanana. Abong Pa Undang mah jalmi terpandang. Loba balad loba kenalan. Warung Apungna remen dipaké tempat reunian. Atawa sakadar sukan-sukan alatan pada kesel WFH. Nyirekem di imah ari gajih bulanan weuteuh. Nya meureun naon deui, ulin-ulin ka nu deukeut itung-itung ngarojong usaha babaturan. Sangkan pada maju jeung aya kagiatan nalika asup mangsa pangsiun.

“Ajakan atuh reunian téh angkatan dalapan hiji, méh ramé....” Pa Undang nyarita ka salah saurang tamuna.

“Ah, dalapan hiji mah kasus. Reunian lebaran kamari aya nu nyingcet, jadi wé kacandak awon sadayana.”

Halaman
123
Sumber: Tribun Jabar
Ikuti kami di
KOMENTAR

BERITA TERKINI

© 2021 TRIBUNnews.com Network,a subsidiary of KG Media.
All Right Reserved