4 Contoh Pidato Singkat Acara Maulid Nabi Muhammad Dalam Bahasa Sunda, Bisa Dibaca untuk Sambutan

Para hadirin anu dimulyakeun ku Alloh.
Junjungan urang sadayana, Nabi Muhammad Saw teh kedah dijantenkeun panutan ku urang sadayana, akhlakna nu sae kacida tur mulya, kedah ditiru ku urang sadayana.

Malih mah Nabi teh diturunkeun ka bumi margi kangge nyampurnakeun akhlak, dina hadits anu diriwayatkeun ku Al-Baihaqi, saur Nabi:


إِنَّمَا بُعِثْتُ لأُتَمِّمَ مَكَارِمَ الأَخْلاقِ


Hartosna: "Satemenna Kami diutus kangge nyampurnakeun amal soleh (akhlak)." (HR. Al-Baihaqi)

Tah pertela pisan dina hadits eta teh yen junjungan urang sadayana, Nabi Muhammad Saw teh diutus ka bumi ieu kangge nyampurnakeun akhlak.


Hayu sasarengan urang tiru, teras dilarapkeun dina kahirupan sahari-hari supados urang sadaya janten jalmi nu ngagaduhan Akhlakul Karimah, nyaeta akhlak anu sae.

Dina zaman ieu seueur pisan jalmi anu kajerat kana pergaulan bebas, zinah tos ibarat hal nu teu aneh, dianggap biasa dugi kajantenan di mana-mana, mabok, judi, sareng sajabana tos janten hal lumrah.


Jaga pondasi urang supados teu kabawa kusakaba-kaba, komo zaman kiwari mah sagala rupina pikahariwangeun.

Dina momentum Maulid Nabi ieu, hayu urang tiru sareng jantenkeun teladan akhlak mulia Nabi Muhammad Saw teh, urang jagi barudak urang sadayana tina pergaulan bebas, mugia urang dipaparin kasalametan di dunia sareng akherat ku Gusti Allah.

Rupina sakitu anu tiasa didugikeun ku simkuring, hapuntena pami aya cariosan anu matak ngaraheutkeun kana manah, mugia urang sadayana tiasa ngagaduhan akhlak sapertos kanjeng Nabi urang sadayana.

Wassalamu'alaikum warahmatullahi wabarakatuh.

Baca juga: Contoh Teks MC Acara Maulid Nabi 2024 di Sekolah, Lengkap dengan Mukadimah dan Susunan Acara

Contoh Pidato 4

Assalamu’alaikum Wr.Wb
Alhamdulillaahi robbil ‘aalamiin, wabihi nasta’inu ‘alaa umuriddunya waddiin. 

Wassholatu wassalamu ‘alaa asyrofil mursaliin, wa’alaa aalihi wa sohbihi ajma’iin. Amma ba’du.

Langkung tipayun hayu urang panjatkeun puji sinareng syukur ka gusti Allah nu maha ghafur, anu parantos masihan ka urang sadaya mangrebu-rebu nikmat, mudah-mudahan urang sadaya kalebetkeun golongan hamba-hamba anu bersyukur sanes golongan hamba-hamba anu kufur kana nikmat Allah.

Shalawat sinareng salam mugia sapapaosna digoloncorkeun ka nabi urang sadaya nu jadi panuntungan sadaya nabi nyatana Nabi Muhammad SAW, sinareng kulawargana, sohabatna, mudah-mudahan dugi ka urang sadaya salaku umatna.

Para hadirin anu dimulyakeun ku gusti Alloh,
Ngadegna abdi di dieu insyaallah bakal ngadugikeun pidato ngenaan hiji hal anu penting mungguh urang sadaya nyaeta ngenaan “Maulid Nabi Muhammad SAW”.

Dina dinten ayeuna urang sadayana nuju miéling acara Maulid Nabi Muhammad SAW, tegesna urang sadaya nuju miéling dintenan lahirna kanjeng Nabi Muhammad SAW ka alam dunia.

Hadirin Rahimakumullah,

Hakekat perayaan Maulid Nabi téh lain ngan ukur pagelaran acara anu dirangkai mewah tur megah, tapi hakekat tina ayana acara Maulid Nabi pikeun ngaronjatkeun kaimanan urang salaku umat Islam, nambahan élmu pangaweruh jeung ngaronjatkeun kualitas ibadah urang ka gusti Allah SWT.

Hadirin Rahimakumulloh

Nabi Muhammad mangrupikeun teladan pikeun urang sadaya salaku makhluk gusti Allah dina ngajalani kahirupan urang di dunia.

Allah SWT parantos ngadauh dina Al-Qur’an Surat Al-Ahzab ayat 21 :

لَقَدْ كَانَ لَكُمْ فِيْ رَسُوْلِ اللّ هِ اُسْوَةٌ حَسَنَةٌ لِّمَنْ كَانَ يَرْجُوا اللّ هَ وَالْيَوْمَ الْا خِرَ وَذَكَرَ اللّ هَ كَثِيْرًا

Hartosna : saéstuna, parantos aya dina diri Rosululloh panutan anu saé pikeun anjeun (nyaéta) pikeun jalma-jalma anu ngarep-ngarep (rahmat) Allah sareng (datangna) Poé kiamat sareng seeur nyebat nami Allah. (Q.S Al Ahzab 21).

Dina ayat eta Allah SW masihan terang kaurang sadaya salaku jalmi anu beriman ka gusti Allah saéstuna Allah tos masihan teladan pikeun urang ngajalani kahirupan di alam dunia ku cara urang kedah tiasa nyonto Rosulullah dina sadaya paripolahna.

Hadirin Rahimakumulloh,

Rupina, sakitu wae anu tiasa ku simkuring didugikeun, mudah-mudahan urang sadaya tiasa janten hamba Allah anu mibanda akhlak sapertos akhlak Rosululloh.
Wassalamu’alaikum Wr.Wb.