Breaking News:

Carpon

New Normal

BASISIR talaga. Hawa nyongkab teu jadi hahalang nu calinutrung dina rakit. Paneuteupna maluseur kana kukumbul.

Editor: Hermawan Aksan
Ilustrasi Carpon Urug 

Demi anu boga duit, pasosoré ngalider ngadon pelesir deudeukeutan. Ngaborong odong- odong, ngajugjug tempat keur botram.

Emana nalongkrong, barudakna tumpak kuda tunggang atawa kakarétaan. Cutrak-cetrek, unggal sési. Uplad-aplod. Nu penting bagja, kapan cenah kabagjaan haté anu matak ngaronjatkeun imun. Ngajauhkeun sagala panyakit.

“New Normal lain harti sakarepna, jaga jarak, maké masker, montong ririungan!” Patugas gugus tugas gogorowokkan dina toa. Jalema loba, hararé-haré. Patugas éléh pamor satutas aya nu asup kana pésakna.

“Sorabi New Normal, Néng.” Ramlan nyawél gado Sumirah. Dadakuna mah sono hayang nyorabi.

“New Normal, Kang. Kokocok heula, disemprot disinpéktan, ulah waka palay ngalokdon!” Sumirah nyumiratkeun imut.

Panon Ramlan meureudeuy. Najan hawa panas bayeungyang, ceuk haté maranéhna mah iuh laliuh lir di patamanan. Bray, dunya caang karasana ku anu duaan.

Mungguh tetempoan sabudeureun talaga mingkin kulawu. Komo basa kapireng warta, sasalad mingkin narekab. Di mamana haliwu, nu positip kopit salapanlas jumlahna ngaratus réwu.

Di alun-alun, handapeun caringin. Sagagampar Masjid Agung peuntaseun situ. Aya tangtungan wanoja sumegruk nyanyambat Hyang Agung.

“Nun, Gusti..., geuning teu kalis ku ditundung, arinyana ngaberung mangprung ....”

Tina sapéker masjid, adan ngalanglaung.

***

Sumber: Tribun Jabar
Ikuti kami di
KOMENTAR

BERITA TERKINI

© 2021 TRIBUNnews.com Network,a subsidiary of KG Media.
All Right Reserved