Breaking News:

Carpon

Bagong Kajajaden Atawa Pasir Kareumbi Urug (bag 1)

BAGONG nunggal beunang katingker. Cenah mah ti lahan titinggal bapa, di tutugan Pasir Kareumbi. Keun, ari ku sual éta mah.

Editor: Dicky Fadiar Djuhud
Bagong Kajajaden Atawa Pasir Kareumbi Urug (bag 1)
DOKUMENTASI TRIBUN JABAR
Tatang Sumarsono

Piceunan heula sakur élmu kadugalan, bisi jadi rereged kana rumah tangga. Bapa manéh ngagugu, da meureun geus karasaeun, rumah tanggana anu ti heula-heula tara awét. Anu matak cruk-crek gé naha ku naon atuh.

Sanggeus rumah tangga jeung Ema mah apan buktina awét, tepi ka ahirna diparengkeun boga turunan, najan ukur hiji-hijina, nyatana manéh. Pisah sotéh jeung bapa manéh, heueuh, alatan kasapih ku pati," Ema rada dareuda ngedalkeun kekecapanana.

Dongéng ngeunaan éta, kuring geus nyaho, najan teu ngaleunjeur. Ema ngadahup ka Bapa téh bari mawa anak hiji; Ceu Onih téa, géséh umurna jeung kuring aya kana sawelas taunna.

Ngeunaan Bapa kungsi kasohor jadi pamatang, lolobana kuring nyaho téh ti nu séjén, da ari
Bapana sorangan mah tara panjang ubral-obrol. Malah aya kesan hayang nutupan sakabéh lalakon anu patali jeung kadugalanana.

Pokna ogé, baréto, "Silaing mah sing jejem sakola. Tuturkeun waé emang silaing anu di dayeuh. Piraku mun henteu nepi ka daékeun ngajeujeuhkeun mah."

Anu dimaksud emang anu di dayeuh téh adi indung kuring, da ari dulur Bapa mah kabéh gé matuh di lembur. Pamustunganana, kuring cicing jeung emang, tepi ka meunang gawéna.

Ceu Onih gé sarua, cicing di kulawarga ku emang, malah leuwih ti heula manéhna mah, najan teu kungsi tepi ka digawé gé, da kaburu aya nu ngawin.

*Antos sambunganana dina Tribun edisi Rebo (27/8)
Tags
carpon
Sumber: Tribun Jabar
Ikuti kami di
KOMENTAR

BERITA TERKINI

© 2021 TRIBUNnews.com Network,a subsidiary of KG Media.
All Right Reserved