Carpon

Bagong Kajajaden Atawa Pasir Kareumbi Urug (bag 2)

BAPA jeung Ema jongjon makaya di lembur. Ukur cukup keur nyumponan bubutuh sapopoé, sésa tina ngiriman anak anu sakola di kota téh.

Bagong Kajajaden Atawa Pasir Kareumbi Urug (bag 2)
DOKUMENTASI TRIBUN JABAR
Tatang Sumarsono

*Sambungan tina Tribun edisi Salasa (26/8)

BAPA jeung Ema jongjon makaya di lembur. Ukur cukup keur nyumponan bubutuh sapopoé, sésa tina ngiriman anak anu sakola di kota téh. Apal inya ka lebah dinyana mah kuring téh.

Kuring teu kungsi nyaksian kumaha wewesén Bapa di pamoroan. Cenah, ceuk nu barétona kungsi babarengan jeung Bapa, Bapa téh ahli milet, nyaéta ngepung bagong anu keur maratuh di hiji tempat ku cara digedég. Bagong anu araya di pasir, upamana, ku Bapa mah bisa disirep, tepi ka kabéh haréés.

Najan anu marangsakeun gedég ramé dok-dak, tapi hiji gé bagong téh tara aya nu hudang. Mun gedég anu ukuran dua méteran téh geus bérés dipasangna, dipaké ningker pasir, kakara waé bagong téh sina harudang. Geus kitu mah kari dianjingan, diboro ku rahayat sadésa anu dikeprak ku kuwu.

Teu pati hésé ngepung bagong anu geus katingker ku gedég mah. Najan aya likurna ogé, tangtu kabéh beunang. Mun kabeneran aya anu hésé rubuhna, biasana mah bagong panggedéna, éta bagian Bapa nyanghareupanana.

Ceuk béja deui waé, Bapa remen diondang ku kuwu ti désa séjén pikeun malatukan numpes bagong anu remen jadi hama pepelakan. Hanjakal dongéng ngeunaan hal éta téh kuring mah nyahona ukur saliwat, bari jeung lain ti Bapa deuih. Lamun kuring rajeun tetelepék, jawabna téh,

"Geus lah teu kudu nyaho. Mending gé sakola sing bener, sing pinter."

Ayeuna, kari-kari aya bagong beunang, naha maké kudu dipatalikeun jeung Bapa anu geus lawas taya dikieuna. Éta pangna kuring ngahuleng téh, saméméh pok, "Enya atuh, Ema, keun abdi ayeuna rék ka lembur.

Ku abdi rék dibuktikeun ka balaréa yén éta bagong nu beunang ku urang lembur téh lain Si Bapa. Pokona, saréréa kudu yakin yén Si Bapa mah geus tingtrim di alam kalanggengan."

Halaman
123
Editor: Dicky Fadiar Djuhud
Sumber: Tribun Jabar
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved