Carpon

Bagong Kajajaden Atawa Pasir Kareumbi Urug (bag 1)

BAGONG nunggal beunang katingker. Cenah mah ti lahan titinggal bapa, di tutugan Pasir Kareumbi. Keun, ari ku sual éta mah.

Bagong Kajajaden Atawa Pasir Kareumbi Urug (bag 1)
DOKUMENTASI TRIBUN JABAR
Tatang Sumarsono

BAGONG nunggal beunang katingker. Cenah mah ti lahan titinggal bapa, di tutugan Pasir Kareumbi. Keun, ari ku sual éta mah. Anu matak hémeng téh, naha bet kudu dilayad ku kuring. Indung deuih anu nitahna téh.

"Atuh ieu mah itung-itung méakkeun kapanasaran wé, duméh ceuk panyangka batur, éta bagong nu beunang téh bagong kajajadén, tur ditudingkeunana téh ka bapa manéh pisan," pokna.

"Ah, piraku teuing, Ema. Bet asana téh pamohalan Si Bapa jadi bagong. Anu geus maot mah, nya maot waé. Piraku datang deui ka paraméan ngawujud bagong. Dina enyana gé jadi bagong, kuduna ogé baheula, basa Bapa anyar dikurebkeun," omong kuring.

"Enya, ceuk Ema gé, karék ceuk panyangka batur. Ari omongan jalma téa, sok gancang nerekabna."

"Mani asa euweuh deui piomongeun, nya? Aya bagong beunang, der ditudingkeun ka kulawarga urang."

"Kitu geuning, ari kapercayaan anu geus ngadaki dina kahirupan balaréa mah hésé rek dipiceunna. Urangna wé sing ngarti, da lamun saruana mah kalah tambah ramé."

Heueuh, ari sugan téh aya naon Ema ninitah kuring mulang heula. Anu dimaksud mulang téh, mulang ka imah lanceuk saindung, anu ayeuna dicicingan ku Ema.

Enya, apan ti sanggeusna Bapa maot, opat welas taun ka tukang, Ema téh dibawa ku Ceu Onih, da meureun melang mun matuh nyorangan di lembur mah.

Imah titinggal Bapa, katut kebon reujeung sawahna, dipasrahkeun ka Mang Ukria, adina Bapa anu bungsu, sina dipangmiarakeun.

Baréto, kuring sok rajeun kénéh ngalayad lembur. Tapi ti sanggeusna riweuh ku urusan gawé mah jadi cul-culan. Teu nitih dua taun sakali kuring sok néang lembur. Dina mangsana lebaran, ari balik téh sok ka imah Ceu Onih waé.

Halaman
123
Tags
carpon
Editor: Dicky Fadiar Djuhud
Sumber: Tribun Jabar
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved